Даваа гаригийн өглөө эрт Тайландын цэргийнхэн нийслэлийн бизнес төвийг хяналтдаа авав. Хотод онц байдал тогтоосныг эсэргүүцсэн жагсаал хийхээр сөрөг хүчин амлаад байжээ. Сөрөг хүчний гол лагерь байдаг худалдааны төвийн дүүрэг тийш хэдэн зуун цэргийнхэн татагдан ирсэн байлаа. Сөрөг хүчнийхэн Бангкокийн ажил хэрэгч төвд нэвтрэхийг оролдвол цэргийнхэн зэвсэг хэрэглэнэ гэдгийг армийн төлөөлөгч мэдэгдэв. Армийнхан сөрөг хүчний эсэргүүцэл хийж болох боломжийн гэх газруудын хамгийн өндөр цэгүүдэд хяналтаа тогтооно гэдгийг тэр бас хэлжээ.
Эдгээр арга хэмжээг зэвсэгт мөргөлдөөн үүсгэхгүйн улмаас хийж байгаа гэж тэр нэмэн хэлэв. Өөрийн ээлжинд хариу арга хэмжээ авна гэдгээ Таксин Чинаватын талынхан ч бас мэдэгджээ. Даравдүгээр сарын 7-нд тэд парламентын байранд дайран орж чадсан ба түүний дараа гарсан мөргөлдөөнд 24 хүн амь үрэгдэж, 800 хүн шархадсан байлаа. 2010 оны гуравдугаар сарын 12-нд Бангкокт 100 мянга орчим хүмүүс ирээд одоо болтол  Ветчачивагийн Засгийн газрыг огцорч, парламентыг тарахыг шаардаж байна. Иймд Бангкок хотод 50 мянга орчим цэргийнхэн ба цагдааг татан ирүүлжээ.