ХХАА-н сайд Р.Бурмаа Засгийн газрын өчигдөр болсон ээлжит бус хуралдаанаар батлагдсан “Монгол тариалан” дэд хөтөлбөрийн өнөөдөр мэдээлэл хийлээ. Засгийн газрын ээлжит бус хуралдаан /04.21/ ХХАА-н сайд Р.Бурмаагийн саналын дагуу хуралдсан юм. Хуралдаанаар тариаланчдын тулгамдсан асуудал буюу санхүүгийн бэрхшээлийг шийдвэрлэх, хаврын тариалалтыг дэмжих зорилго бүхий “Монгол тариалан” дэд хөтөлбөрийг баталжээ. Энэхүү хөтөлбөр хэрэгжсэнээр тариалангийн зориулалтаар газар эзэмших эрхтэй, уринш боловсруулж бэлтгэсэн, үр тариа, төмс, хүнсний ногоо, жимс жимсгэнэ тариалдаг туршлагатай тариалан эрхлэгч иргэн, аж ахуйн нэгж хамрагдах бөгөөд намрын ургац, газар эзэмших эрхээ барьцаалан зээл авах боломж бүрдэх юм. Ингэснээр тариалан эрхлэгч, иргэн, аж нэгжүүдэд 50 хүртэл тэрбум төгрөгийн зээлийг арилжааны банкнаас гадна “Монгол тариалан” Төрийн өмчит улсын үйлдвэрийн газраар дамжуулан олгохоор болжээ.

Д.УУДАМ