МҮСБХ-ны 2015-2016 оны улирлын Плей-Оффын II шат амжилттай үргэлжилж байна. Одоогоор SBL-Хасын Хүлэгүүд аваргын төлөө тоглохоор үлдээд байна. Тэд "Сентоза Ирвэсүүд"-ийг 4-0-оор хожсон юм. Тэгвэл өнгөрсөн улирлын аварга "Альяанс-тех Харцагууд" болон энэ улирлын хүснэгтийн тэргүүн байраар гарсан "Төв-Ургац" багуудын хожлын харьцаа 2:2 болоод байна. Хоёр багийн цувралын 5 дахь тоглолт өнөөдөр 18.00 цагаас Спортын төв ордны "А" зааланд болно. Мөн энэ өдөр эмэгтэй супер лигийн Плей-оффийн тоглолт эхлэх юм.