“Баянгол” зочид буудалд байрлах “Түмэн хишигтэн”, “Баялгийн хувь” ХХК-д Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс санхүүгийн шалгалт хийх үеэр УИХ-ын нэр бүхий гишүүд дээрх газарт очсон нь бүрэн эрхээрээ далайлгасан болчимгүй үйлдэл болсон тухай олон нийт шүүмжилж буй. Тэгвэл дээрх газарт очсон УИХ-ын нэр бүхий гишүүд “Тусгай албаныхныг аваачсан нь болчимгүй үйлдэл. Хэрвээ УИХ-ын гишүүд тухайн үйл явдал дээр очоогүй бол хэрэг явдал хаашаа ч эргэж мэдэх байсан гэсэн тайлбар хийж буй бол Цагдаагийн ерөнхий газраас “Албан хаагчдыг дайчилсан нь болзошгүй үймээнээс сэргийлсэн явдал болсон” гэж тайлбарласан.

Энэ удаагийн VS буландаа УИХ-ын гишүүн, УИХ-ын Хууль зүйн байнгын хорооны дарга Д.Ганбат, Улсын Ерөнхий прокурорын газрын Дотоод аюулгүй байдлын хэлтсийн дарга Э.Амарбат нарын байр суурийг онцолж байна.