Холливудын хамгийн тогтвортой, үлгэр жишээ гэр бүлд тооцогддог Эван МакГригор болон түүний эхнэр Ив Мавракис нар бяцхан охин өргөж авсан тухай хэвлэлүүд ид шуугиж байна. Дөрөвхөн сартай охиныг үрчилж авснаар энэ гэр бүл дөрвөн охинтой болж байгаа юм. Тэдний 2006 онд Монголоос өргөж авсан охин өдгөө есөн нас хүрч байгаа. Киноны зураг авалтын ажлаар Монголд ирэхдээ траншейний хүүхдүүдийн амьдралыг хараад сэтгэл нь өвдсөн хос Жамъян охиныг газар доорх нүхний амьдралаас нь салган гэр бүлийнхээ гишүүн болгосон гэдэг.

Эван, Ив хоёрын өөрсдийнх нь охид 15 болон есөн настай. Шинээр өргөж авсан охиныхоо нэр болон аль улсаас өргөж авсан гэдгээ тэд одоогоор нууцалж байна.