Монгол Улсад Биеийн тамир, спортын салбар үүсч хөгжсөний 90 жилийн ойг энэ онд тэмдэглэж байгаа билээ. Ойн хүрээнд зохион байгуулах цуврал арга хэмжээ энэ долоо хоногоос эхэлж байна. Долоо хоногийн эхээр БТСГ-ын хамт олон МҮОХ-ны удирдлагуудыг хүлээн авч уулзан, 90 жилийн ойн медалийн дээжээр шагнаж урамшуулсан бол өнөөдөр БТСГ-т нийслэл, дүүргийн спортын байгууллагынхан, Биеийн тамирын их, дээд сургуулийн удирдлагууд болон Монголын спортын сэтгүүлчдийн холбооныхон буюу спортын сэтгүүлчид зочиллоо.

Өнөөдөр 14.00 цагаас болсон спортын сэтгүүлчдийн уулзалтад БТСГ-ын дарга Ч.Наранбаатар, БТСГ-ын дэд дарга Д.Сүрэнхорлоо, Монголын спортын сэтгүүлчдийн холбооны тэргүүн дэд ерөнхийлөгч Ч.Отгонбаатар болон хэвлэл, мэдээллийн салбарт ажиллаж буй спортын сэтгүүлчид оролцлоо. Энэ үеэр спортын салбарын үйл ажиллагааг сурталчлах, биеийн тамир, спортын салбарын хөгжлийг дэмжих, спортын сэтгүүлзүйг хөгжүүлэхэд оруулсан хувь нэмрийг нь үнэлэн Соёлын гавьяат зүтгэлтэн, ахмад сэтгүүлч Р.Чулуун, МҮОНТВ-ийн “Чандмань” студи, “Таван цагариг” сонин, “Боловсрол суваг” телевизийн “Score” студи, МҮОНРадио, “NEWS”агентлаг, “Монцамэ” агентлаг, “Ардын эрх”, “Өнөөдөр”,“Зууны мэдээ”, “Үндэсний шуудан” сонин, “25-р суваг телевиз”, “B” телевиз, NTV телевиз, www.sportnews.mn сайт, “Спортын цонх” сэтгүүл, shuud.tv зэрэг хэвлэл, мэдээллийн байгууллагын сэтгүүлчдэд Биеийн тамир, спортын салбарын 90 жилийн ойн медаль гардуулж, амжилт хүслээ.