Жүжигчин Меган Фокс “Трансформерс-3” кинонд тоглох эрхээ хасуулсны цаад шалтгаан нь найруулагчаа Гитлертэй зүйрлэснээс болсон тухай бид мэдээлж байсан билээ. Харин түүний оронд тоглосон “Victoria"s Secret”-ийн гоо бүсгүй Рози Хантингтоны ур чадвар үзэгчдийн сэтгэлд хүрээгүй гэнэ. Асар их өртгөөр бүтсэн “Трансформерс-3”-ыг киноны ертөнцөд шуугиан дэгдээнэ гэж хүлээж байсан ч өмнөх хоёр цувралын хэмжээнд хүрээгүй гэж кино шүүмжлэгчид үзэж байна. 195 сая ам.долларын өртгөөр бүтсэн “Трансформерс-3”-ыг Их Британи болон Америкийн кино шүүмжлэгчид голж эхэлжээ. Өдгөө 24 настай гоо бүсгүй Рози Хантингтон камерын өмнө сайхан инээмсэглэж чаддаг ч тэр чадвар нь кинонд амжилт олсонгүй. Кино шүүмжлэгчид Розиг үзэсгэлэнтэй гэдгийг хүлээн зөвшөөрсөн авч чихэр ч рекламдаж чадахгүй гэжээ. Харин “Тээвэрлэгч” киноны од Жейсон Стэтхемтэй үерхэж байгаа гоо бүсгүй Рози үүнийг анзаарах ч сөхөөгүй яваа гэнэ.