“Дуулианы 2020”-ийн финалд өрсөлдөх багууд шалгарлаа

Монгол Улсын Ерөнхийлөгчийн ивээл дор Нийслэлийн Засаг дарга бөгөөд Улаанбаатар хотын захирагчийн дэмжлэгтэйгээр зохион байгуулагдаж байгаа "Дуулиан-2020" тэмцээний хагас шигшээ тоглолтууд явагдаж дууслаа.

16-ны бямба гарагийн эхний тоглолт охидын 15 насны 92 болон Амгалан ЦС-ийн сургуулийн хооронд болоход үндсэн цагт 2:2-р тэнцэж зургаан метрийн торгуулын цохилтоор "Амгалан ЦС" хожлоо. Энэхүү тоглолтын гол баатар нь "Амгалан ЦС" багийн багийн ахлагч Б.Энхзаяа байсан юм.

Мөн охидын 17 насанд 79-р сургууль 53-р сургуулийг 2:0 харьцаагаар хожсон байна.

Хөвгүүдийн 13-н насны ангилалд ОУЦС хүчтэй өрсөлдөгч болох 41-р сургуулийг 4:2 харьцаагаар хожлоо.

Хөвгүүдийн 15-н насанд 28-р сургууль 9:6 харьцаагаар 71-р сургуулийг хожин финалд үлдлээ.

Энэ өдрийн хамгийн гал гарсан тоглолт хөвгүүдийн 17 насанд болсон бөгөөд 2-р сургууль өнгөрсөн жилийн аварга 20-р сургуулийн багтай тоглон 7:7 харьцаатай тэнцэн ялагч торгуулийн цохилтоор тодрох байлаа. Зургаан метрийн торгуулийн цохилтоор 2-р сургуулийн баг 3-2-оор өрсөлдөгчөө хожсон бөгөөд А.Тэмүүжингийн гайхалтай уран тоглолтыг үзүүлж чадсан юм.

Энэ өдрийн сүүлийн тоглолт Дуулианы ивээн тэтгэгчдийн ангилалд БУМО спорт барааны дэлгүүрийн баг Хас Банкны нэгдүгээр багтай тоглож 3:2 харьцаагаар БУМО баг хожлоо.

Өчигдөр /04.17/ болсон тоглолтууд

Энхны тоглолт охидын 13-н насанд 107-р сургууль 28-р сургуулын хооронд болж, тоглолтын сүүлийн мөчид 28-р сургуулийн багийн ахлагч Б.Ариунжаргал баруун хөлийн хүчтэй цохилтоор (2:1) болгон 28-р сургууль хожлоо.

Дараагийн тоглолт охидын 17 насанд 92-р сургуулын охид 41-р сургуулийн охидыг 5:0-н харьцаагаар хожсон. Энэ тоглолтонд 92-р сургуулийн 20 дугаартай багийн ахлагч Чинцэцэг гол үүрэг гүйцэтгэсэн байна.

Хөвгүүдын ангилалд 13 насанд 52-р сургууль 47-р сургуулийг 7:3н харцаатай хожсон бол 15 насанд 14-р сургуулийн тамирчид тоглолтын туршид илүүрхэн ОУЦС-ыг (7:1) н харьцаатай буулган авлаа.

Хөвгүүдийн 17 насанд Шинэ Монгол сургууль 28-р сургуулийг (10:4)-р хожиж Алтан медалын төлөө 2-р сургуулын багтай тоглох болсон байна.

Ивээн тэтгэгчдын Чингис Хаан банк (2:1) р Худалдаа хөгжлийн банкыг хожлоо.

Энэ өдрүүдэд хожсон багууд ирэх долоо хоногт 10 дахь удаагийн “Дуулиан 2020” тэмцээний Аваргын төлөө тоглох эрхээ авлаа.

"Охид-11"