“Мулен Руж” мюзиклээр нь бидний сайн мэдэх жүжигчин Эван Мак Грегор дөрөв дэх хүүхдээ өргөж авах гэж байна. Жүжигчин энэ сарын эхээр Лос Анжелест болсон “Beginners” киноны нээлтийн үеэр хэвлэлийнхэнд ам алдсан гэнэ. Түүний өргөж авах гэж буй охин ердөө дөрөвхөн  сартай боловч хаанаас өргөж авах гэж байгааг, мөн нэрийг нь нууцалж байна.  Эван Мак Грегор таван жилийн өмнө Жамьян нэртэй монгол охиныг өргөж авсан юм. Эван гэр бүлээ бүхний түрүүнд тавьдаг бөгөөд хувийн амьдралаа хэвлэлд дэлгээд байдаггүй нэгэн.

Тэрбээр хүүхдүүдийнхээ тухай “Хүүхдүүдтэй байхад хөгжилтэй ч нэг үлгэрийг дахин дахин уншиж өгвөл хэн ч залхаж эхлэх байх. Гэвч хүүхдүүддээ амласан л бол амлалтаа заавал биелүүлэх хэрэгтэй. Сонин шагайж, гар утсаар яриад завгүй байсан ч тэр” гэж тэрбээр ярьсан байна.