Монгол Улсад нүүрсийг хуурай аргаар баяжуулах туршилтын үйлдвэрийн ажлыг энэ оноос эхлэхээр боллоо. Уул уурхайн яам, Япон Улсын эдийн засаг, үйлдвэр худалдааны яамтай хамтын ажиллагааны хүрээнд ийнхүү туршилтын үйлдвэр байгуулан хамтран ажиллах санамж бичигт өнөөдөр гарын үсэг зурснаар баталгаажиж байна.

Туршилтын үйлдвэрийн зураг төслийн ажлыг энэ оны эхний улиралд багтаан эхлүүлэхээр болжээ. Улмаар ирэх оны нэгдүгээр улиралд үйлдвэрийн барилга, угсралтын ажлыг эхлүүлж, 2018 оны нэгдүгээр улиралд бүтээгдэхүүнээ гаргана хэмээн тооцоолсон байна. Энэ үйлдвэр нь жилд 300 мянган тонн нүүрсийг хуурай аргаар баяжуулах хүчин чадалтай.