Монгол Улсын иргэн та 1072 хувьцаатай эсэхээ Үнэт цаасны төлбөр тооцоо, төвлөрсөн хадгаламжийн төвийн www.schcd.mn сайтаар орж нягталж болно. Хэрвээ та өмнө нь Хүний хөгжил сан, Эх орны хишиг зэрэгт хамрагдан 2011, 2012 онд оюутны сургалтын төлбөрт  500 мянган төгрөг, эрүүл мэндийн даатгал, ахмад болон хөгжлийн бэрхшээлтэй иргэд нэг сая төгрөгөө бэлнээр авсан тохиолдолд энэ хувьцаа байхгүй гэсэн үг. Харин дээрх хөнгөлөлтүүдэд хамрагдаж байгаагүй бол иргэн танд 1072 хувьцаа бий.

Гэхдээ та энэ хувьцааг өөрийн болгож, баталгаажуулахын тулд нэн тэргүүнд үнэт цаасны компанид очиж өөрийн нэр дээр данс нээн, байршуулах учиртай. Ингэсэн тохиолдолд та хувьцаагаа баталгаажуулан авлаа гэсэн үг юм.