Билгийн тооллын XVII жарны “Муу нүүрт” хэмээх гал бичин жилийн сар шинийн баярт зориулсан Улс, аймгийн алдар цолтой 256 бөхийн барилдаанд улсын харцага Ц.Содномдорж түрүүлж, улсын аварга Г.Эрхэмбаяр үзүүрлэв.

Хөвсгөл аймгийн Тосонцэнгэл сумын харьяат "Хилчин" спорт хороо, "Хөвсгөлийн хүчтэн" дэвжээ, "Монос" группийн бөх, улсын харцага Ц.Содномдорж сар шинийн барилдаанд анх удаа шөвгөрөн түрүүллээ. Түүний хувьд 2012 оны сар шинийн барилдаанд шөвгөрч байсан юм. Сэлэнгэ аймгийн Мандал сумын харьяат, ОБЕГ-ын "Аврагч" спорт хороо, "Таванхан" дэвжээ, "Мондэй" группийн бөх улсын аварга Г.Эрхэмбаяр 2013 онд түрүүлж байсан бол энэ жил үзүүрлэлээ.

Их шөвгийн дөрөвт Ховд аймгийн Чандмань сумын харьяат улсын харцага Н.Батзаяа, Увс аймгийн Тэс сумын улсын начин Т.Баасанхүү нар шалгарч үлдсэн юм.

8-ын даваа

• Г.Эрхэмбаяр у.ав – Ц.Содномдорж у.х

7-ийн даваа

• Г.Эрхэмбаяр у.ав – Н.Батзаяа у.х
• Ц.Содномдорж у.х – Т.Баасанхүү у.н

6-ийн даваа

• Г.Эрхэмбаяр у.ав – Д.Рагчаа у.г
• Э.Оюунболд у.а – Н.Батзаяа у.х
• Н.Ганбаатар у.г – Ц.Содномдорж у.х
• Ч.Санжаадамба у.з – Т.Баасанхүү у.н

5-ын даваа

• Г.Өсөхбаяр дар.ав –Д.Рагчаа у.г
• С.Мөнхбат у.ав –Н.Батзаяа у.х
• Г.Эрхэмбаяр у.ав–Э.Энхбат у.н
• Н.Батсуурь у.а–Н.Ганбаатар у.г
• Э.Оюунболд у.а–Ө.Бат-Орших у.х
• Б.Гончигдамба у.г –Т.Баасанхүү у.н
• Ч.Санжаадамба у.з –Б.Сугаржаргал у.н
• Ц.Содномдорж у.х–Ө.Даваабаатар у.х