Хаалттай нийгмийн улаан армид болж өнгөрсөн ч хав дарагдсан "Маш нууц" үйл явдлыг өгүүлэх "Маш нууц" уран сайхны кино тун удахгүй нээлтээ хийх гэж байна. 1970 аад оны үед цэрэг эрсийн гурван жилийн амьдрал юуг өгүүлдэг байв, социалзмын үед ямар асуудлыг нуун дарав зэрэг тухайн үеийн бодит амьдралаас сэдэвлэн кино зохиолыг Т.Төмөр-Очир зохиолч бичжээ. Кино зохиол, зураг авалт эхэлтлээ хоёр жилийн хугацаанд бичигдэж, хянагдсан байна. Харин киноны ерөнхий найруулагчаар СТА О.Бат-Өлзий, нэгдүгээр найруулагчаар хүү Б.Тамир, ерөнхий продюсероор эхнэр МУАЖ С.Сарантуяа нар ажиллажээ. Гэр бүлийн уран бүтээлчид, "Фантастик" продакшны залуу жүжигчдтэй хамтран бүтээсэн "Маш нууц" кино яг ямар нууцыг задлах бол.