Нийслэлийн Захирагчийн ажлын албанаас Хүй долоон худаг, Төв цэнгэлдэх хүрээлэн орчимд хуушуур болон хүнсний бүтээгдэхүүн худалдаалах зөвшөөрлийг аль болох иргэдэд олгохыг зорьжээ. Хүй долоон худагт 200, Төв цэнгэлдэх хүрээлэнд 500 орчим иргэн, аж ахуй нэгж хуушуур хийж зарж байна. Өнгөрсөн жил наадмын хуушуурыг 800-1000 төгрөгөөр худалдаалж байсан бол энэ жил 1000-1500 төгрөгөөр зарж байна. Наадамчдын зүгээс Наадмын хуушуурт сэтгэл хангалуун байгаагаа илэрхийлсэн юм.