Гадаадын иргэд Монгол улсад ирж очих хувийн урилга, визийн зөвшөөрөл, сунгалтын үйлчилгээг шуудангаар авах боломжтой боллоо. Өөрөөр хэлвэл Иргэний харъяалал, шилжилт хөдөлгөөний ерөнхий газар, Монгол шуудан ТӨХК-хамтран иргэдэд виз олгох, оршин суугаа тодорхойлолт, бүртгэл, хасалт, сунгалт, хаягийн өөрчлөлтийн үйлчилгээг шуудангаар өгөх юм. Манай улсад энэ сарын 18-ны өдрийн байдлаар нийт 173 орны 27 мянга гаруй гадаадын иргэн албан болон хувийн хэргээр оршин сууж байна. Үүнд, хөдөлмөр эрхлэгч 12000, суралцагч 1400, хөрөнгө оруулагч 2900 хүн байгаа юм.