Цаашид төмөр замын бодлогоо зөв тодорхойлоод, хил нэвтрэлтийг хөнгөвлчихвөл төмөр замаас олох орлого илүү нэмэгдэнэ гэдгийг төмөр замчид ярьж байна. Хил нэвтрэлтийг хөнгөвчлөх эхний алхамууд нь хил гааль дээр ажиллаж байгаа төрийн байгууллагуудын уялдаа холбоо, хамтын ажиллагааг эрх зүйн орчноор зохицуулах. Мөн урд хойд хөршийн төмөр замын ачаа тээвэрлэлтийг улсаараа дамжин өнгөрүүлэх, дамжин өнгөрөх ачаа, барааг хадгалах агуулах, скаладыг Зам-үүд, Алтанбулагийн боомтуудаар барих явдал гэнэ.