Энэ оны нэгдүгээр сарын сүүлээр нийслэлийн Сонгинохайрхан дүүргийн 9-р хорооны нутаг дэвсгэрээс занданшуулсан шарил олдож, шуугиан дэгдээсэн билээ. Тухайн үед иргэн Д.Энхтөр нь Архангай аймгийн Цахир сумын нутаг, Содномдаржаа уулын өврөөс занданшуулсан шарилыг хулгайлан хил дамнуулан худалдаалах гэж байхдаа цагдаагийн байгууллагад баригдсан юм. Түүний гэм буруутай эсэхийг шүүх хурал дүүргийн Эрүүгийн хэргийн анхан шатны II шүүхэд болж байна.