Энэ сарын 20-25 ний өдрүүдэд ГССҮТ-ийн Түлэгдэл нөхөн сэргээх мэс заслын тасагт Австрали улсын түлэнхийн пластик мэс заслын нарийн мэргэжлийн баг  ажиллаж байна. Тэд өчигдөр буюу дөрөвдүгээр сарын 20-ний өдөр түлэгдсэн, түлэнхийн сорвитой 100 иргэнийг үнэ төлбөргүй үзэж, оношилжээ. Үүнээс түлэгдсэн болон түлэнхийн дараах нөхөн сэргээх хагалгааг хийх шаардлагатай зургаан хүнийг сонгон Монгол, Австралийн хамтарсан эмч нарын баг үнэ төлбөргүй хагалгаа хийхээр боллоо.