Нүүрсний салбарын хөрөнгө оруулагчдын “Coal Mongolia-2015” чуулга уулзалт өнөөдөр албан ёсоор эхэллээ. Тав дахь жилдээ зохиогдож байгаа тус чуулга уулзалтаар монголын нүүрсний өрсөлдөх чадварыг нэмэгдүүлэх, тээврийн зардлыг бууруулах, ингэхийн тулд нэн даруй төмөр зам барих асуудлыг нэг мөр шийдэх гэсэн гол асуудлыг ярьж байгаа юм.

Энэ удаагийн “Coal Mongolia-2015” чуулганд манай улсаас гадна АНУ, ОХУ, БНХАУ, Канад, Австрали, Япон, Энэтхэг зэрэг орны төлөөлөгчид оролцож байгаа ажээ. Чуулган өнөөдөр, маргааш хоёр өдөр үргэлжлэх юм.