Цагдаагийн ерөнхий газрын даргын тушаалаар 2014 оны хоёрдугаар сард Улаанбаатар хотын цагдаагийн газарт Гэр бүлийн хүчирхийлэл, хүүхдийн эсрэг гэмт хэргээс урьдчилан сэргийлэх хэлтсийг шинээр байгуулсан байдаг. Харин тус хэлтсийн дэргэд хуучин “Хүүхдийн хаяг тогтоох газар” байсныг өөрчилж “Гэр бүлийн хүчирхийлэлд өртсөн хохирогчийг хамгаалах түр байр”-ыг байгуулсан байна.

“Гэр бүлийн хүчирхийлэлд өртсөн хохирогчийг хамгаалах түр байр”-нд хохирогчийг нэгээс гурав хоногийн хугацаатай байлгах журамтай ч тэндээс гараад очих газаргүй, дахин хүчирхийлэлд өртөх эрсдэлтэй хүмүүс нэг сар хүртэлх хугацаагаар ч байрладаг байна.