Монголын үндэсний бөхийн холбоо /МҮБХ/-ны удирдах дээд байгууллага болох “Их Эе” арванхоёрдугаар сард хуралдах тухай сураг саяхнаас дуулдаж эхэллээ.

Хэдийгээр “Их эе” болох өдөр, хугацаа товлогдоогүй байгаа ч 2010 онд болсон чуулганыг хууль бус гэж шат шатны шүүхээс шийдвэр гарсан тул МҮБХ энэ асуудалд анхаарал хандуулж, холбогдох дүрмийн дагуу бөхчүүдийн Их хурал буюу “Их Эе”-ийг хуралдуулах ёстой гэсэн байр суурийг зарим бөхчүүд илэрхийлж байна.

Одоогоос дөрвөн жилийн өмнө буюу 2010 онд Улсын заан Д.Амгаа, Ж.Ганболд, улсын начин Ц.Дуламсүрэн нар Р.Нямдоржийг Монголын үндэсний бөхийн холбооны тэргүүн биш хэмээн үзэж, VI  "Их эв"-ээс гарсан шийдвэр хуульд нийцсэн эсэхийг тогтоолгохоор Баянзүрх дүүргийн шүүхэд хандан нэхэмжлэл гаргаж байжээ.

 Энэ талаар улсын заан Ж.Ганболд дараах байр суурийг илэрхийлж байна.