Өнөөдөр аравдугаар сарын 10 буюу намрын дунд сарын шинийн 17-ны билэгт сайн өдөр тохиож байна. Балжинням, Дашням давхацсан энэ өдөр монголчууд маань гал голомтоо бадрааж, өрх гэрээ тусгаарладаг. Тиймээс бид бүхэн Гэрлэх ёслолын ордон орж хичнээн гэр бүл гэрлэх ёслолоо хийж байгаа талаар тодрууллаа. Гэрлэх ёслолын ордонд гэр бүлээ батлуулчихсан хосууд ёслолоо үйлддэг газар бөгөөд жил бүр ёслол үйлддэг залуучуудын тоо нэмэгдэж байгаа ажээ.