Орхон аймгийн  Баян-Өндөр сумын Цагаанчулуут багийн айлуудаас судалгаа авч явсан статистикийн мэргэжилтэн бүсгүй бусдын гарт амь насаа алдсан хэрэг энэ сарын 22-нд гарсан. Статистикийн хорооны дэд дарга Б.Эрдэнэсүрэн "Статистикчид айл өрхөөр судалгаа авч явах үедээ гэмт халдлагад өртөх нь цөөнгүй байдаг. Тиймээс хамгаалалт нэн шаардлагатай байгаа" гэж мэдээллээ.