Монголын анхны хувийн их сургуулиудын нэг болох “Отгонтэнгэр” их сургуулийн захирал, доктор Н.Энхзаяатай ярилцлаа. Тэртээ 1991 онд долоон багш, 110 гаруй оюутантай үйл ажиллагаагаа эхэлж байсан бол өдгөө 6400 гаруй оюутан тус сургуулийг төгсөж, ажил амьдралын гараагаа эхлүүлж байжээ. Эдүгээ 23 дахь жилдээ Эдийн засаг-Бизнесийн удирлага, Хууль зүйн салбар болон Хүмүүнлэг гэсэн гурван бүтцийн сургуультай үйл ажиллагаа явуулж байна. Өнөөдөр 1900 гаруй оюутан, 180 гаруй багш, ажилчид, өдөр, эчнээ, оройн сургалтуудыг явуулж байна.