Үндэсний статистикийн хорооноос гаргасан мэдээгээр инфляци өнгөрсөн наймдугаар сард өмнөх сарынхаас 0.4 хувиар, оны эхнээс 7.7 хувь, өмнөх оны мөн үеэс 13.7 хувиар өсчээ. Ерөнхий индекс өмнөх сарынхаас 0.4 хувиар өсөхөд боловсролын үйлчилгээний бүлгийн үнэ 16.2 хувь, хувцас, бөс бараа, гутлын үнэ дүнгээрээ 1.6 хувь, орон сууц, ус, цахилгаан, түлшний үнэ дүнгээрээ 1.5 хувиар өссөн нь голлон нөлөөлсөн юм байна.