“Арсенал” тэргүүлэх боломжоо бүрмөсөн алдлаа | News.MN

“Арсенал” тэргүүлэх боломжоо бүрмөсөн алдлаа

Хуучирсан мэдээ: 2010.04.19-нд нийтлэгдсэн

“Арсенал” тэргүүлэх боломжоо бүрмөсөн алдлаа

Дэлхийн хөлбөмбөгийн ертөнцөд хамгийн алдартай нь гэгддэг Английн Премьер лигийн 2009/10 оны улирлын тоглолт өндөрлөж, лигийн аварга тодроход ердөө тойргийн гурван тоглолт үлдээд байна. Өнгөрсөн шөнө Английн хөлбөмбөгийн ногоон талбайд лигийн хоёр тоглолт болж өнгөрсөн бөгөөд энэ жилийн Премьер лигт түрүүлэх боломжтой байсан Лондонгийн “Арсенал” “Уиган Атлетик”-т ялагдсанаар боломжоо алдсан бол “Астон Вилла” 2:1-ээр “Портсмут”-ыг талбай дээр нь буулган авчээ.
Тоглолтын эхнээс л манлайлж, 2:0 харьцаатай тоглолтыг тэргүүлж байсан Лондонгийн “Мэргэн буучид” тоглолтын сүүлийн арван минутад хаалгандаа гурван гоол алдсанаар ялагдал хүлээсэн юм. Тоглолтын 41 дэх минуатад Тео Уолкотт гоолдож, улмаар хоёрдугаар хагас эхэлсний дараахан Микаэль Сильвестр тооны харьцааг 2:0 болгожээ. “Мэргэн буучид”-ын энэ давуу байдал тоглолтын 80 дахь минут хүртэл үргэлжилж, 11 минутын дотор хаалгандаа гурван гоол алдсанаар айлын талбайгаас гурван оноотой харих боломжоо алдсан юм. 80 дахь минутад “Уиган”-ы солгой хөлтэй хагас хамгаалагч Бен Уотсон тоглолтын хувь заяаг эргүүлсэн гоолыг оруулжээ. Улмаар есөн минутын дараа Титус Брембль тооны харьцааг тэнцүүлсэн бол гоолоос хойш ердөө хоёрхон минутын дараа буюу нэмэлт цагийн эхний минутад франц хамгаалагч Шарль Н’Зогбий “Арсенал”-ын мөрөөдлийг үгүй хийсэн шийдвэрлэх гоолыг оруулснаар тоглолт өндөрлөсөн юм. Бямба гаригийн тоглолтод лигийг тэргүүлэгч “Челси” “Тоттенхэм”-д ялагдаж, оноо алдсан учир “Арсенал”-ын алтан цом өргөх боломж нээлттэй хэвээр байсан боловч тун хариуцлагагүй ялагдал хүлээснээр “Арсенал”-чууд энэ жилийн аваргын өрсөлдөөнөөс хасагдаж байна. Ийнхүү Лондонгийн "Мэргэн буучид" тав дахь жилдээ дараалан цомгүй улирлыг дуусгаж байгаа юм.
Мөн өнгөрсөн шөнө лигийн шилдгүүдийн нэг “Астон Вилла” “Портсмут”-ыг талбайд нь 2:1-ээр буулган авснаар “Ливерпуль”-ийг ардаа орхиж, хүснэгтийн зургаад бичигдэх болов. “Астон Вилла”-гаас Жон Карью, Натан Делфоунесо нар, харин “Портсмут”-аас Майкл Браун гоолджээ.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

galaa 2010-04-19 203.160.50.23

man utd tvrvvlex xeregtei bnaa ternii tuluu bi burxand zalbirch baigaa

Avatar

Zov 2010-04-19 202.179.27.122

Man utd turuuleh heregtei Daraa jil Arsenal olon cup avah bolno

Avatar

Зочин 2010-04-19 182.160.16.199

2010 оны Дэлхийн аваргад оролцох
Аргентин
Бразил
Англи
Франц
Герман
Португал
Итали
Голланд
Испани
шигшээ багуудын супер тоглогчдын өмсгөлүүд ирлээ 99757810
ggg

Avatar

Зочин 2010-04-19 202.179.20.247

azgyi lbna daa argagyi taktik buruu hamgaalsan uchiraas

Avatar

Зочин 2010-04-19 202.179.20.247

azgyi lbna daa argagyi taktik buruu hamgaalsan uchiraas

NewsMN Гар утасны хувилбар Татах
NEWS.mn

Мэдээллийн эх сурвалж