Сонгуулийн дүрэм ямар байх талаар УИХ, намууд санал бодлоо уралдуулж байна. Том, жижиг намууд бүгдээрээ мажоритари болон про­порциональ холимог тог­тол­цоог хуульчлан ши­нэч­лэхийн төлөө байгаа юм. Холимог дотроо хүн үү, нам уу гэдэг дээр завсарлагатай, зөвшилцөлтэй яриа хэлцэл үргэлжилж байна. Ардын нам мажоритари буюу хүн нь хүнээ сонгох нь давамгайлсан, гэх­дээ намд өгсөн саналыг хувь тэнцүүлсэн элемент багтаасан шинэчлэлийн тө­лөө байна. Ардчилсан нам про­порциональ буюу намыг сон­гох нь давамгайлсан, гэхдээ хүн нь хүнээ сонгох мажоритари элемент багтсан шинэчлэлийн төлөө бай­на. Танигдсан, хүлээн зөв­шөөрөгдсөн улстөрч, нэр дэвшигч олонтойн хувьд Ардын нам ийм шинэчлэлийн төлөө байгаа нь зүй ёсных. Ардчилсан нам хүнийг биш, намыг илүүтэй сонгохын төлөө байгаа нь улс төрийн хүчний хувьд төлөвшсөн, танигд­сан, хүлээн зөвшөө­рөгдсөн нэр дэвшигч харь­цангуй цөөддөг сул талаа нөхөхийг хүсч байгаа нь ч зүй ёсных.  

Хоёулаа, 2,7 саяулаа бүгдээрээ “7-р сарын 1”-гүй, илүү цэвэр, гоё сонгуулийн төлөө байна. Наадам болоосой, найр битгий болоосой. Хүн үү, нам уу.