УИХ-ын дарга Д.Дэмбэрэл УИХ дахь МАН-ын бүлгийн дарга Ө.Энхтүвшин, АН-ын бүлгийн дарга Ч.Сайханбилэг нарыг үдээс хойш хүлээн авч уулзжээ.  

УИХ-ын дарга Сонгуулийн хуулиар зөвшилцөх ажлын хэсгийн ажлын явц байдлыг сонсч зөвшилцлөө түргэтгэж байр сууриа ойртуулах, чуулганы үйл ажиллагааг хэвийн явуулах, жигд ажиллагааг хангахад анхаарах чиглэл өгчээ.

Хаврын чуулганыг долдугаар сарын 1-нд өндөрлүүлэх, Сонгуулийн хуулийн зөвшилцлийг хаалттай бус нээлттэй байлгах боломжийг эрэлхийлэх зэрэг асуудлаар тэд санал солилцсон байна.