АНУ-ын
сансар судлалын агентлаг НАСА Атлантис хөлгөө сүүлийнхээ даалгаврыг
биелүүлэхээр ирэх долдугаар сарын 8-ны өдөр хөөргөх гэж байна. Атлантис
хөлгийн бэлтгэл ажлыг Флорида мужийн Кеннедигийн сансар судлалын төвд
хангаж байгаа ба хэрэв ямар нэг шалтгааны улмаас хөөрөх хугацаа
саатахгүй бол сансрын хөлөг долдугаар сарын 8-ны өглөөний 11:26 цагт
хөөрөх аж. Сүүлийн буюу 135 дахь аялал нь 12 хоног үргэлжилнэ.

НАСА
Атлантис хөлгийг тойрог замын сансрын лабораторт шаардлагатай байгаа
сэлбэг хэрэгслүүдийг хүргүүлэхээр илгээх гэж байгаа аж. Хөлгийн
даалгавар дууссаны дараа НАСА сансрын нисэгчдээ сансрын станцад
хүргэхийн тулд Оросын сансрын хөлгийг ашиглаж байх ажээ.