NBА-ийн аварга Даллас Мавэрикс багийн лидер, финалын цувралын үнэ цэнэтэй тоглогч Дөрк Новицки төрөлх улс Герман, тэр дундаа төрсөн хотдоо эргэн ирлээ. Аваргын цомыг хүртснээс хойш хоёр долоо хоногийн дараа Вөрцбургт ирж байгаа нь энэ юм. Финалын MVP хотынхоо спортын ордонд ирэхэд түүнийг 3000 хөгжөөн дэмжигч угтан авсан байна. Энэ үеэр түүний нэр хотынхоо алтан номд мөнхөлж байгааг зарласан аж.  Түүнийг ордонд орж ирэх үед “MVP, MVP” хэмээн дэмжин угтсан юм. Түүний дараагаар Новицки, 15000 хүн цугласан гадаа талбайн үдэшлэгт орохоор явсан байна.