“Киви” хамтлагийн ахлагч Ука бие даасан цомгийн ажилдаа орсон талаар бид өмнө нь мэдээлж байсан. Тэгвэл Ука энэ зун амрах завгүй ажиллах гэнэ. Тэрбээр “Киви” хамтлагийнхаа шинэ уран бүтээл, клипний зураг авалтын хажуугаар өөрийн бие даасан цомгоо бичүүлэх гээд завгүй ажиллаж байгаа аж. Түүний бие даасан цомогт хамтлагийнхан нь тусалж байгаа ч Ука чанартай сайн уран бүтээл хийхийн тулд яарахгүй байгаа гэнэ. Өдгөө СУИС-ын дуурийн дуулаачийн ангид суралцаж буй Укагийн бие даасан цомог нь залууст зориулсан байх гэнэ.

Сонирхуулахад, “Киви” хамтлагийнхан шинэ клипний зураг авалтад орсон бөгөөд удахгүй үзэгчдийн хүртээл болох гэнэ.