Удтал гацаасны эцэст МАХН-ын нэрийг Дээд шүүх яагаад гэнэтхэн зөвшөөрчихсөн бэ гэдэгт улс төрийн шалтгаан хайцгааж байна. МАХН хэмээх товчлол төдий биш заавал ч үгүй Монгол Ардын Хувьсгалт Нам нэрийг тэр тусмаа Н.Энхбаярт өгдөг нь ямар учиртай вэ?

Уг нь иргэдийн эвлэлдэн нэгдэх эрхийг зөвшөөрч буй хууль ёсны шийдвэр мэт боловч ийм алхмыг улстөрчдийн оролцоогүйгээр шийдвэрлэнэ гэдэгт хэн ч итгэхгүй байна. Одоохондоо улс төрд олонх  байгаа МАН-ыг сандаргах айдсын бүх хүчин зүйлийг амь оруулж, МАХН ба Н.Энхбаярыг шатрын өрөг дээр гаргаж тавих эрх мэдэл энэ улсын Ерөнхийлөгчид л байгаа гэх. Яагаад гэвэл шүүх засаглал, Дээд шүүх Ерөнхийлөгчийн эрх мэдэл дор байдаг. Энэ утгаар МАХН-ын нэрийг Н.Энхбаярт өгсөн явдал Ц.Элбэгдоржийн барьж буй сюрприз бололтой.