Өнөөдөр УИХ-ын төрийн байгуулалтын байнгын хороогоор Сонгуулийн тухай хуулийн эцсийн хэлэлцүүлгийг хийхээр төлөвлөөд байна. Гэвч зөвшилцөх ажлын хэсгийнхэн маргаантай асуудлаа эцэслэн шийдсэн эсэхээс энэ нь шалтгаалах юм. УИХ дахь АН, МАН-ын бүлгийн хамтарсан зөвшилцөх ажлын хэсгийнхэн аль альдаа ялимгүй буулт хийж, өөр гарц хувилбар хайж буйгаа мэдэгдсэн. Гэхдээ байр суурийн зөрүү хол байгааг хоёр бүлгийн дарга нар хүлээн зөвшөөрөөд байгаа юм.