Туркийн Истанбул хотын гудамжинд мянга мянган ижил хүйстнүүд эрхийнхээ төлөө тэмцэхээр ням гаригт цугларав. Энэ жил ес дэх удаагаа зохион байгуулж байгаа ижил хүйстнүүдийн жагсаалд оролцогчдын дотор лесби, гомо, бисексуал, трансжендер хүмүүс багтаж, эсэргүүцлийнхээ жагсаалыг Истанбулын хамгийн хөл хөдөлгөөнтэй гудамжинд зохион байгуулан, төрөл бүрийн уриа лоозон барьж жагссан байна. Тэдний барьж зогссон лоозон дээр тэдэн шиг хүмүүс хаа сайгүй байгаа нөхцөл байдалтай эвлэрэх цаг болсон гэсэн утгатай зүйлийг бичжээ.

2008 онд Ахмет Иелдиз 26 настай ижил хүйстэн залууг хүйсээр ялгаварлаж амийг нь бүрэлгэсэн хэрэг Туркэд гарч байсан ба уг залуугийн харамсалтай хэргийг эргэн сөхөх залуус жагсагчдын дунд олон байжээ. Ням гаригт болсон жагсаалын үеэр шашны болон  үндэстний цөөнхүүд босч, тэдгээрийн дотор 20 орчим Курдууд ижил хүйстнүүдийн жагсаалд огт хамааралгүй улс төрийн эсрэг жагсагчид руу гал нээснийг цагдаа нар нулимс асгаруулагч хийн тусламжтай зогсоосон байна.

Ижил хүйстнүүдийн эрхийг хамгаалах төв Туркийн засгийн газрыг ижил хүйстнүүдтэй төрийн дайсантай харьцаж байгаа мэт харьцлаа хэмээн буруутгаж байна. Гэхдээ сүүлийн жилүүдэд Турк улсад ижил хүйстнүүдийн нийгмийн байр суурь, эрх, тэднийг үзэх үзэл харьцангуй нээлттэй, чөлөөтэй болж байгаа ч, энэ бүгдийг тус улсын ижил хүйстнүүдийн бүлэг хангалттай гэж үзэхгүй байгаа аж.