Үндэсний хоккейн лигийн хуваарь ёсоор өнгөрөгч бямба гарагийн өглөө, драфт явагдлаа. Энэ жилийн драфтын тэргүүн тоглогч нь Уэстэрн Хоккейн лигээс сонгогдсон нь 15 жилийн дараа болсон үйл явдал байлаа. Миннэсота Уайлд багийн цэнгэлдэх болон Ексел Энержи Центрт драфтын үйл ажиллагаа болсон. Хоёрдахь жилдээ дараалан Эдмонтон Ойлерс эхний сонголтыг хийсэн. Өнгөрсөн жил лигийн хамгийн муу амжилтыг үзүүлсэн тэд Райн Нагент Хопкинсыг сонгосон. Өнгөрсөн улирлыг Уэстэрн хоккейн лигийн Рэд Дийр Ребелс багт өнгөрүүлсэн тэрээр 75 оновчтой дамжуулалтыг багийнхаа өгч шилдэг тоглолтыг гаргажээ. Ингэснээр тэрээр Канадын Бритиш Колумбид төрсөн анхны драфтын тэргүүн тоглогч болсоноор өнгөрсөн жилийн номер нэг Тайлор Холлтой хамт Ойлерсын зүүн жигүүрийг бүрдүүлэхнээ. Хоёрдахь сонголтыг Коларадо Эвэланш хийсэн. Тэд Швед гаралтай жигүүрийн тоглогч Габриел Ландескогийг сонгожээ. Ландеског Онтарио Хоккейн лигт 36 гоолыг 53 тоглолтонд оруулсан. Хүчний довтлогчийн араас Флорида Пантэрс, Жонатан Хюбердий, Нью Жерси Дэвилс Адам Ларссоныг сонгожээ. Шведийн Элит лигт өнгөрсөн хоёр жил тоглохдоо Ларссон шилдэг хамгаалагчдын нэг нь байсан. Дэтройтийн Никлас Лидстромтой ижил төстэй тоглолттой түүнийг драфтаас өмнө маш олон багууд бэлтгэлдээ урьж оролцуулсан нь ихээхэн сонирхож байсныг гэрчилж байна. түүний дараачаар Нью Йорк Айландэрс төвийн тоглогч Райн Стромыг, Оттава Сенаторс Майк Зибанеяадыг сонголоо. Зибанеяад мөн төвд тоглодог ч ялгаатай нь тэр хамгаалах чиглэлийн төв юм. түүний ээж нь Финлянд, аав нь Иран, гэхдээ тэрээр өөрөө Стокхолмд төрсөн учраас Швед улсын иргэншилтэй явдаг ажээ. харин эхний тойргоос анхны Орос тоглогчийг Тампа Бэй Лайтнинг авсан. ерөнхий менежер Стив Айзерман 27 дахь сонголтоор Владислав Наместниковыг сонгожээ. Харин энэ жилийн драфтын эхний тойргоор ямар нэгэн хаалгач орж ирээгүй нь сүүлийн таван жил гуравдахь удаагаа тохиолдож байгаа үйл явдал болжээ.