Олон улсад “Transformers 3” киноныхоо сурталчилгааг хийж яваа кино жүжигчид энэ амралтын өдрүүдээр Германы Берлинд цугларчээ. “Transformers 3”-ын жүжигчид болох Шиа Лабү, Рози Хантингтон Уитли, Патрик Димпси, Жош Духамел, Тайрис Гибсон нар Германд киноныхоо нээлтийг хийхийн өмнө хэвлэлийн бага хурал зохион байгуулж, киноныхоо талаар дэлгэрэнгүй мэдэгдэл хийжээ.

“Transformers”-ийн эхний хоёр ангид жүжигчин Меган Фокс тоглосон ч, уг киноны найруулагч гуравдугаар ангид түүнийг хасч оронд нь хатагтай Хантигтон тоглуулсан юм. 24 настай загвар өмсөгч Хантингтон мэргэжлээ сольж, кино урлагт хүч сорих болсон нь түүний хувьд том өөрчлөлт болсон тухай хэвлэлийн бага хурлын үеэр мэдэгдсэн нь сэтгүүлчдийн анхаарлыг нэлээд татжээ. “Transformers 3” кино зургадугаар сарын 29-ний өдрөөс эхлэн Германы кино театруудад гарч эхэлнэ.