Өнөөдөр Улсын дээд шүүхэд нэрээ бүртгүүлж, батламжаа гардсан МАХН-ын гишүүд дэмжигчид яг одоо Түр штабынхаа гадна намынхаа тугийгбайрлуулж байна. МАХН-ын туг нь хуучны МАХН буюу одоогийн МАН-ын өмнө нь хэрэглэж байсан туг далбаа юм.  

Монгол Ардын Хувьсгалт Намын буурийг сахиж үлдсэн УИХ-ын гишүүн Ц.Шинэбаяр өнөөдөр Дорнод аймагт ажлаар явж таарсан  бол МАХН-ын даргаар сонгогдсон Ерөнхийлөгч асан Н.Энхбаяр Баян-Өлгий аймаг дахь Алтай таван богдын богдын оргилд авираад өчигдөр нийслэлд иржээ. Тэрбээр  Монголын хамгийн өндөр оргилд МАХН-ын тугийг мандуулсан байна. Экс ерөнхийлөгч Н.Энхбаяр өнөөдөр намаа бүртгүүлж, баяраа тэмдэглэж байгаа нөхөддөө баяр хүргэхээр намынхаа түр штаб дээр одоо ирэх гэнэ.