Амьд хөгжмийн хамгийн том наадам болох “Playtime-2011” энэ жил 10 нас хүрч байгаа. Ойн хүрээнд энэ жил “Playtime” наадмыг илүү өргөн хүрээнд хийхээр төлөвлөөд байгаа аж. Наадам ирэх долдугаар сарын 16, 17-нд Монгол шилтгээнд болох бөгөөд шинэ залуу долоон хамтлаг оролцох гэнэ. Энэ сарын 22-нд “С1” телевизийн хоёрдугаар студид шалгаруулалт болж, “Playtime” наадамд оролцох хүсэлтэй шинэ залуу 21 хамтлагаас долоон хамтлагийг сонгожээ. “The Colors”, “Logos”, “Fata Morgana”, “No-Vo”, “The Compass”, “Dream land”, “Recon” гэх эдгээр долоон хамтлаг энэ жилийн “Playtime-2011”  наадамд өнгө нэмэх нь ээ.