Английн лигийн цом буюу “The FA Cup” тэмцээний хагас шигшээн сүүлийн баг тодорлоо. ¼ шигшээд “Манчестер Юнайтед” талбайдаа “Вест Хэм”-тэй тулж, 1:1-ээр тэнцсэн. Тиймээс өнгөрсөн шөнө хариу тоглолтоо хийлээ.

“Вест Хэм”-ийн талбайд болсон энэ тоглолтод “Манчестер Юнайтед” өрсөлдөгчөө 1:2-оор буулгаж авч, хагас шигшээд шалгарч байгаа юм. Тоглолтын 54 дэх минутад Рэшфорд гоолдож, тооны харьцааг нээсэн. Улмаар 67 дахь минутад Феллайни нэгийг нэмжээ. Харин талбайн эздээс 79 дэх минутад Томкинс нэр төрийн ганц гоол оруулсан байна.

ЭХ СУРВАЛЖ: www.mminfo.mn