Монголын хүндийн өргөлтийн холбооноос алтан түнш "Hunnu air" компанийн нэрэмжит өсвөр үеийн улсын аварга шалгаруулах тэмцээнийг энэ сарын 1-3-ны өдрүүдэд Улаанбаатар хотноо Спортын төв ордонд зохион байгуулах гэж байна. Хүндийн өргөлтийн үндэсний шигшээ багийн зааланд болох энэхүү тэмцээнд 1999 оноос хойш төрсөн тамирчид оролцоно.Тэмцээн хөвгүүдийн 36 кг, 40 кг, 44 кг, 50 кг, 56 кг, 62 кг, 69 кг, 77 кг, +77 кг, охид 36 кг, 40 кг, 44 кг, 48 кг, 53 кг, 58 кг, 63 кг, +63 кг нийт 17 жингийн ангилалд аваргууд тодорно. Тэмцээний техникийн зөвлөгөө өнөөдөр 15.00 цагаас тэмцээн болох байранд болох юм.

Ч.БОЛОР