Ан Сан Су Чид зориулсан албан тушаал | News.MN

Ан Сан Су Чид зориулсан албан тушаал

Хуучирсан мэдээ: 2016.03.31-нд нийтлэгдсэн

Ан Сан Су Чид зориулсан албан тушаал

Ан Сан Су Чид зориулсан албан тушаал

Мьянмарын шинэ засгийн газар “Ардчиллын төлөөх үндэсний лиг” намын дарга Ан Сан Су Чид ерөнхий сайдтай эн тэнцэхүйц эрх мэдэл олгох албан тушаалыг бий болгохоор хуулийн төслийг хэлэлцэж байна. Засгийн газраас Ан Сан Су Чид “төрийн зөвлөх” хэмээх шинэ албан тушаалыг санал болгож байгаа аж. Тэрбээр гадаад хэрэг, ерөнхийлөгчийн алба, боловсрол, эрчим хүчний асуудлыг хариуцан ажиллах гэнэ.“Ардчиллын төлөөх үндэсний лиг” нам өнгөрсөн наймдугаар сард болсон сонгуульд ялалт байгуулсан боловч Ан Сан Су Чи Мьянмарын үндсэн хуулийн дагуу ерөнхийлөгч болох эрхгүй байв. Ан Сан Су Чи нь гадаадын иргэнтэй гэр бүл болсон төдийгүй хоёр хүү нь Их Британийн иргэн тул Мьянмарын төрийн тэргүүн байж болохгүй аж.Түүний оронд дотны зөвлөх Тийн Кау лхагва гаригт Мьянмарын ерөнхийлөгч болж тангараг өргөсөн билээ. Тийн Кау нь хагас зууны турш Мьянмарын төрийн эрхийг барьсан цэргийн дэглэмийг эцэслэсэн анхны ардчилсан ерөнхийлөгч болж байна. Гэвч Ан Сан Су Чи хөшигний ардаас төрийн хэргийг удирдана хэмээн ажиглагчид тайлбарлаж буй.

Эх сурвалж: ВВС
Б.АНХТУЯА

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж