Энэ жил Улаангом хотын ус сувгийг хариуцдаг “Чандмань-Увс” ХХК-ний 70 жилийн ой тохиож байгаа юм. Энэхүү түүхт ойдоо зориулан тус хамт олон баруун бүсийн ахуй үйлчилгээний селесерүүдийн дунд ажил мэргэжлийн уралдааныг зохион байгуулахаар болсон байна. Уралдаанд Завхан, Ховд, Говь-Алтай аймгийн болон Увс аймгийн барилгын гурван компаний нийт 20 гаруй селесерь оролцохоор бүртгүүлжээ. Эдгээр мэргэжилтнүүд тэмцээний даалгаврын хүрээнд Улаангомын дулааны сүлжээний төгсгөл болох 60 айлын хоёр орон сууцны босоо шугамыг солих гэнэ.