Мароккогийн ван VI Мохаммедын санал болгосон шинэчлэлийн төлөвлөгөөг эсэргүүцсэн олон мянган хүний жагсаал энэ сарын 19-нд болжээ. Эсэргүүцэл хийсэн хүмүүс бүрэн эрхт вант засгаас парламентын засаглалд шилжихэд төлөвлөгдсөн арга хэмжээ хангалтгүй гэв. 

Тэдний эсрэг хааны шинэчлэлийг дэмжигчид бас жагссан байна. Вангийн санал болгосон төлөвлөгөөг ирэх сарын 1-ний өдөр бүх нийтийн санал асуулгаар хэлэлцүүлнэ.  Хоёрдугаар сард олон нийтийн эсэргүүцэл гарсаны дараа төрийн шинэчлэл хийхээр гуравдугаар сард ван амласан байв.