Байгаль орчин, аялал жуулчлалын яамны захиалгат шинжлэх ухаан, технологийн  15 төсөл Шинжлэх ухаан, технологийн сангийн санхүүжилтээр хэрэгжиж байна. Үүнд үйлдвэрийн гаралтай аюултай хог хаягдлыг багасгах, боловсруулах, цэвэрлэх, сэргээгдэх эрчим хүч ашиглан халуун усны хэрэгцээг хангах зэрэг ажлууд багтжээ. Эдгээр ажлыг Нийгмийн эрүүл мэндийн хүрээлэн, Хими, хими технологийн хүрээлэн, “Мегаватт” компани гүйцэтгэж байгаа ажээ.