Лондон хотын мэр Борис Жонсон

Их Британийн нэртэй улстөрчийн нэг, Лондон хотын Захирагч Борис Жонсон өөрийн улсыг Европын холбооноос /ЕХ/ гаргахын төлөө байгаагаа мэдэгдсэн. “ЕХ-ны гишүүн байх нь Их Британийн тусгаар байдалд хор нөлөөтэй. Ерөнхий сайд Кэмерон ЕХ-той  тохиролцоо хийсэн ч тэр нь онцын өөрчлөлт гаргахгүй” хэмээн тэр мэдэгдсэн. Жонсоны энэ мэдэгдлийн дараа Их Британийн мөнгөн тэмдэгт паундын ханш унажээ.

Паунд нь үндсэн 16 валюттай харьцуулахад ханш нь 1,2%-иар унагалаа. Их Британийн хувь заяаг шийдэх бүх нийтийн санал асуулга ирэх зургадугаар сарын 23-нд явагдах юм.

Консерватив намын нэртэй зүтгэлтнүүд Их Британийг Европын холбооноос гаргахаар ухуулна гэсэн нь хөрөнгө оруулагчдыг болгоомжлуулж байна.

Ам.доллартай харьцах паундын ханш 1,7%-иар унан нэг паунд $1,4163 болсон нь 2010 оны тавдугаар сараас хойших хамгийн бага үзүүлэлт боллоо.

Их Британийн паунд нь евротой харьцуулахад 1,2% -иар буурч 78,24 пенс хүрчээ. Бүх нийтийн санал асуулга явагдтал сурталчилгааны кампанит ажил явах учир ханш нилээн савлах бололтой.

"Паунд суларсан нь Их Британи ЕХ-нд үлдэх үү гэдэг нь тодорхойгүй болсныг илэрхийлж байгаа юм” гэж  Лондоны AXA Investment Managers компанийн ахлах эдийн  засагч Дэвид Пейж хэллээ.

Бэлтгэсэн Ш.МЯГМАР