Пабло Пикассогийн алдарт бүтээлүүдийн нэг болох “Buste de Femme”-ийг Палестиний уран зургийн академи ирэх долоо хоногоос олон нийтэд үзүүлэх гэж байна. 1943 онд туурвисан уг бүтээлийг Голландын Амстердамын музейгээс түр авчирчээ. Үнэтэй бүтээлийг найдвартай тээвэрлэхэд асар хүндрэлтэй байсан бөгөөд ялангуяа Израйлийн талын цөөнгүй шалгалтыг даван туулсан гэнэ. Палестиний уран зургийн академийн захирлын мэдэгдсэнээр хоёр жилийн турш хөөцөлдсөний эцэст уг бүтээлийг ийнхүү авчирсан байна.

Баруун эрэгт өрнийн дүрслэх урлагийн хосгүй үнэт бүтээлүүдийн нэг анх удаа “айлчилж” байгаа нь энэ. 100 х 80 см-ийн хэмжээтэй тосон будгийн зураг өмнө нь Бразильд “очиж байжээ” Зохион байгуулагчид нь үзэсгэлэнгээ “Пикассо Палестинд” хэмээн нэрлэлээ.