Хэнтий аймгийн цэцэрлэгт хүрээлэнд Улаанбаатар хотын “Тод газар” ХХК-иас 20 ширхэг том нарсыг энэ сарын эхээр тарьжээ. Мөн тус аймгийн Байгаль, орчин аялал жуулчлалын газрын мэргэжилтнүүд болон байгаль хамгаалагчид, хөдөлмөр халамж үйлчилгээний хэлтсээс 10 хүн дайчилж, 800 ширхэг хайлаасыг аймгийнхаа Тээвэрчдийн гудамжинд нөхөн тарьсан байна. Түүнчлэн Хэрлэн голын эргийн дагуух дөрвөн га талбайд 150 хүн ажиллаж, дөрвөн тонн хог хаягдал цэвэрлэснээр хэнтийчүүд хог хаягдалгүй, цэвэр ногоон байгалийн төлөөх ажлуудад идэвхтэй оролцжээ.