Дэлхийн дээвэр Эверестийн ноён оргилд эх орныхоо соёмбот тугийг мандуулсан анхны Монгол эмэгтэй уулчин, Гавьяат тамирчин Б.Гангаамаа энэ оны эхээр Өмнөд Америкийн ноён оргил Аконкагуа /6962/ уулын оргилд амжилттай гарсан билээ. Түүний хувьд уулчдын гарахыг хүсдэг тив тивийн оргил “Seven summit”-ын тавд нь гараад байна. Тэгвэл түүний авирах дараагийн оргил нь Австрали далайн орнуудын ноён оргил болох “Карстений пирамид” аж. Арал дээр байрлах хамгийн өндөр уул учир маш их судалгаа, зохицсон бэлтгэл болон багагүй хэмжээний жин хасах шаардлагатай гэдгийг Б.Гангаамаа гавьяат онцолж байсан. Түүний хувьд ирэх сараас бэлтгэлдээ гарах бөгөөд энэ ондоо багтааж авиралтыг хийх бодолтой байгаагаа дуулгалаа. Одоогоор “Карстений пирамид”-ад Монгол уулчин гараагүй байгаа аж.
Гавьяат уулчин Б.Гангаамаагийн дэлхийн таван их оргилд хүрсэн үзүүлэлт
№ | Уул /Д.Т.Д/ | Байршил | Оролдлого хийсэн он | Гарсан өндрийн хэмжээ |
1. | Эверест /8848 м/ | Ази тив | 2006 | 6800 м |
2011 | 8848 м | |||
2. | Аконкогуа /6962 м/ | Өмнөд Америк, Аргентин | 2016 | 6962 м |
3. | Маккенли Диналь /6194 м/ | Хойд Америк, АНУ | 2012 | 6100 м |
2014 | 5400 м | |||
2015 | 6194 м | |||
4. | Килманжаро /5895 м/ | Африк тив, Танзани | 2012 | 5895 м |
5. | Эльбурс /5642 м/ | Европ тив, ОХУ | 2004, 2009, 2010 | 5200 м
|
2013 | 5642 м |
Гавьяат уулчин Б.Гангаамаатай хийсэн ярилцлагыг ЭНД дарж уншина уу.
Ч.БОЛОР
