Өнөө маргаашдаа төвийн зарим нутгаар их бороо орно

Малчид, тээвэрчид, ард иргэдийн анхааралд:

Өнөө маргаашдаа төвийн зарим нутгаар их бороо орох тул үер усны аюулаас сэрэмжтэй байхыг анхааруулж байна.

2011 оны 06 дугаар сарын 21-ний 08 цагаас 20 цаг хүртэлх
цаг агаарын урьдчилсан мэдээ:

Баруун зүгийн нутаг болон говийн нутгийн баруун хэсгээр багавтар үүлтэй, бороо орохгүй. Бусад нутгаар үүлэрхэг, бороо орно. Дуу цахилгаантай. Салхи баруун зүгийн нутгаар баруунаас, зүүн зүгийн нутгаар зүүн өмнөөс бусад нутгаар баруун өмнөөс баруун хойш эргэж секундэд 6-11 метр, нутгийн баруун хагаст зарим үед секундэд 12-14 хүрч ширүүснэ. Хангай, Хөвсгөл, Хэнтэйн уулархаг нутгаар 13-18 градус, Говийн нутгийн өмнөд хэсэг, Дорнод Монголын тал нутгаар 26-31 градус, бусад нутгаар 22-27 градус дулаан байна.

УЛААНБААТАР ХОТ: Үүлшинэ. Бороо орно. Дуу цахилгаантай. Салхи зүүнээс хойш эргэж секундэд 6-11 метр. 21-23 градус дулаан байна.

2011 оны 06-р сарын 22-ноос 06-р сарын 26-ныг хүртэлх
цаг агаарын урьдчилсан төлөв:

22-нд баруун зүгийн нутгийн хойд, төвийн нутгийн зүүн хэсэг, зүүн зүгийн нутгаар, 23-нд баруун зүгийн нутгаар, 24-нд баруун болон төвийн нутгийн зарим газраар, 25-нд зарим газраар түр зуурын бороо орно. Дуу цахилгаантай. Борооны өмнө салхи түр зуур ширүүснэ. 22-нд нутгийн зүүн хагаст сэрүүхэн байна. Бусад хугацаанд Хангай, Хөвсгөл, Хэнтэйн уулархаг нутгаар шөнөдөө 7-12 градус, өдөртөө 17-22 градус, говийн бүс нутгаар шөнөдөө 14-19 градус, өдөртөө 28-33 градус, бусад нутгаар шөнөдөө 10-15 градус, өдөртөө 23-28 градус дулаан байна.

Эх сурвалж: www.tsag-agaar.mn