Үндэсний супер лигийн даваа гаригт /01.25/ болсон тоглолтын мэдээллээс хүргэж байна.

Дархан Шутис  81-70 Ховд Мон-Алтиус

Үндэсний супер лигийн эмэгтэй нэгдүгээр тойргийн 3 дахь тоглолт Спортын төв ордонд үргэлжлэн явагдлаа. Улирлын нээлтийн тоглолтондоо хожигдоод байсан ОУХМ Ганзул ахлагчтай "Дархан ШУТИС" болон улирлын эхний тоглолтоо хийж байгаа Ховд Мон-Алтиус багуудын тоглолт ширүүн өрсөлдөөнийг үзүүллээ.

"Дархан ШУТИС" тоглолтийн эхлэлийг сайн эхлүүлж, онооны давамгайллыг аван бүр 20 онооны зөрүүтэй болсон ч "Ховд Мон-Алтиус" амархан бууж өгөхийг хүссэнгүй 3-р үед багийн лидер тоглогч  Майжаргал сайн тоглолт үзүүлж онооны зөрүүг ойртуулсан ч Ганзул эцсийн мөчид сайн байснаар "Дархан ШУТИС" улирлын эхний хожлоо авлаа.

"Дархан ШУТИС" багаас ОУХМ Ганзул 15 оноо, 3 самбараас бөмбөг авалт, 4 бөмбөг таслалт гүйцэтгэсэн бол Ариунтунгалаг 13 оноо, 9 самбараас бөмбөг авалт, Маамуу 11 оноо, 9 самбараас бөмбөг авалт, Ариунчимэг 10 оноо, Ундрах 10 оноо тус тус авж багаа тэргүүлсэнээр хожиход хангалттай байлаа. Харин "Ховд Мон-Алтиус" багаас Майжаргал 21 оноо, 9 самбараас бөмбөг авалт, 7 оновчтой дамжуулалт, 7 таслалт гүйцэтгэж гайхалтай тоглолтыг үзүүлсэн бол Дэмбэрэлмаа 13 оноо, Энэрэл 10 оноо, Баянжаргал 10 оноо авсан ч бусад тоглогч хангалттай байсангүй тэд анхны тоглолтондоо хожигдол хүлээлээ. Тэдний хожигдсон хамгийн гол шалтгаан нь алдааны асуудал байсан ба эсрэг баг нь торгуулийн шугамнаас олон оноог авч байснаар баг нь хожигдол хүлээсэн юм.

SBL-ХАСЫН ХҮЛЭГҮҮД 95-85 МОН-АЛТИУС СМАРТ

Үндэсий супер лигийн хоёдугаар тойргийн 44 дахь тоглолт явагдаж SBL-Хасын Хүлэгүүд хожил байгууллаа. Уг оглолтонд Хүлэгүүд багаараа алсын зайнаас 14-н довтолгоо амжилттай болгосон бол эсрэг баг нь ердөө 4-н довтолгоо амжиллтай болгосон юм. Мөн Мон-Алтиус Дундговь Смарт  багаараа 30 бөмбөг алдалт хийсэн нь тэдний хожигдолын шалтгаан болсон юм. Тоглолтын эхнээс л Хүлэгүүд тоглолтын удирдлагыг гартаа авсан гэхэд болох ба тэдний шахсан хамгаалалт үр өгөөжөө өгч бйасан нь эсрэг багаа олон бөмбөг алдалт гүйцэтгэхэд хүргэсэн юм. Хүлгүүдээс Corbin сайн тоглолтоо үзүүлж 28 оноо, 7 бөмбөг таслалт, 5 оновчтой дамжуулалт гүйцэтгэн багаа тэргүүлсэн бол түүнд М.Отгонмөнх 16 оноо, 8 самбараас бөмбөг авалт, Билгүүн 12 оноо, Бямбадорж 11 оноогоор тусласнаар хожил байгуулхад хангалттай байлаа. Харин Мон-Алтиус Дундговь Смарт багаас Б.Дархантөгс сайн байж 20 оноо, 8 самбараас бөмбөг авалт, Э.Цэрэнбаатар 16 оноо, 12 самбараас бөмбөг авалт, Kashif Watson 16 оноо, 10 самбараас бөмбөг авалт тус тус гүйцэтгэсэн ч бусад тоглогч хангалтгүй байсан юм.

Дархан Гарьд 100-97 Их өргөө Аравтууд

Сүүлийн тоглолтууддаа маш сайн тоглолтыг үзүүлээд байгаа Дархан Гарьд болон лигийн сүүл мушгиж байгаа Их өргөө Аравтууд багуудын тоглолт маш сонирхолтой болж өндрөллөө. Хоёр багт аль алинд нь шинээр лигонер тоглогч ирсэн ба, Дархан Гарьдын шинэ лигонер сайн тоглолтыг үзүүлж 22 оноогоор тус хүргэсэн юм. Тоглолтын эхнээс Их өргөө Аравтууд сайн эхлэлийг үзүүлж байсан ба төгсгөлийг Гарьдууд сайн хийснээр хожил байгуулсан юм. R.Turner ахин багаа тэргүүлж 24 оноо, 12 самбараас бөмбөг, 6 дамжуулалт гүйцэтгэсэн бол Coleman 22оноо, О.Ууганбаяр 17 оноо, 6 оновчтой дамжуулалт, Б.Мөнхболд 14 оноо, 6 самбараас бөмбөг авалт, 6 оновчтой дамжуулалт тус тус гүйцэтгэн багаа хожилд хөтөлсөн бол Их өргөө Аравтуудаас Д.Мөнхтүвшин 33 оноо, 5 бөмбөг таслалт гүйцэтгэн багаа тэргүүлсэн бол С.Өрнүүнбилэг 18 оноо, 14 самбараас бөмбөг авалт, D.Caldwell 15 оноо, 14 самбараас бөмбөг авалт гүйцэтгэн багаа тэргүүлсэн ч хожход хангалтгүй байсан юм.